Kirkjugarðar í Reykjavík og Kópavogi verða opnir allan sólarhringinn yfir hátíðirnar.
Fossvogsgarður verður þó lokaður allri bílaumferð á aðfangadag milli kl. 11 og 14 vegna mikils fjölda gangandi vegfarenda og slysahættu. Við bendum á bílastæði við Fossvogskirkju.
Á Þorláksmessu og aðfangadag verður hringakstur í Gufuneskirkjugarði og verður þá eingöngu hægt að aka inn í garðinn frá Hallsvegi og út úr honum að norðan inn á Borgarveg eins og verið hefur undanfarin ár.

Við biðlum til ykkar að aka aðeins á malbikuðum vegum innan kirkjugarðanna og leggja í sérmerkt bílastæði.

Gleðilega hátíð

Í aðdraganda jóla býður starfsfólk Kirkjugarða Reykjavíkur gesti garðanna hjartanlega velkomna. Á staðnum verður boðið upp á heitt kakó, kaffi og piparkökur, auk þess sem umhverfisvænar leiðisskreytingar og kerti verða til sölu.

Skreytingar eru einnig í boði í vefverslun okkar til og með 22. desember.

• Helgina 20.–21. desember: Fossvogur, Sólland og Gufunes kl. 10–16

• Dagana 22. og 23. desember: Fossvogur, Sólland, Gufunes og Hólavallagarður kl. 10–16

• Aðfangadag: Fossvogur, Sólland, Gufunes og Hólavallagarður kl. 9–12

Fossvogskirkja verður opin frá kl. 8-12 á aðfangadag, þar geta gestir kveikt á kerti og yljað sér við heitt kakó, kaffi og piparkökur.

Hlökkum til að sjá ykkur.